الاسرة والطفل

إكسبى نفسك وصحتك فى رمضان وهتبقى زى الماليكان

كتبت : عزه السيد

شوفى يا ست انتى وهى مش عايزين رمضان يخلص وتلاقى وزننا ذاد وبقينا زى الأفيال

دول كام نصيحه لضمان نزول الوزن في رمضان أو بمعني تاني مثال علي يوم صحي من أيام رمضان الكلام ده مش صعب و لا مستحيل انتي عندك فرصه من ذهب علشان تحرقي أكبر كم من الدهون في شهر رمضان و انا بتكلم عن نسبه الدهون نفسها مش مجرد نزول علي الميزان و خلاص

بصى بقا هنكبر دماغنا من المقلي و المسبك مش لازم تصدمي معدتك اللي بقالها 16 ساعه مدخلش فيها أي أكل

عند الساعه اللي قبل الفطار ده اكتر وقت ممكن تحرقي فيه دهون لو تقدري تتمرني يبقي انتي كده عملتي إنجاز و هتشوفي نتيجته علي العيد بإذن الله ، مقدرتيش يبقي بعد الفطار ب ساعتين ل 3

الأذان يأذن كوبايه اللبن خالي الدسم الجميله مع 3 تمرات هتلاقى معدتك اتملت مؤقتآ

هندخل بقي علي الفطار عندك البروتين سواء لحمه أو فراخ أو سمك او كبده مطبوخين طبعا بطريقه صحيه ، طبق سلطه صغير عليه معلقه زيت زيتون أو خضار مسلوق أو أي كان مطبوخ صحي برضه مع 5 معالق رز أو مكرونه أو ربع رغيف عيش أو رغيف سن كده وجبه متكامله بروتين ، كربوهيدرات، دهون صحيه

مابين الفطار و السحور نشرب مياه كتر علشان نعوض نقص السوايل فتره الصيام الطويله ، و عندك عصير الليمون و ممكن مشروبات رمضان بس بسكر دايت او قالى السكر و نخلي بالنا علشان في ناس بتتخن علي الفاضي بسبب أن المشروبات دي بيتحطلها كميه سكر رهيبه

لازم يبقي في سناك في نص اليوم عندنا بقي الفاكهه بانواعها طبق بطيخ صغير ، تفاحه ، موزه ، 3 خوخ
و الله زهقتي و نفسك تغيري يبقي 2 تين مجفف علي 3 مشمش علي 2 قراصيا و سيبيهم في المياه شويا و حطي عليهم سكر قليل لو حابة أو مهلبية بسكر دايت و لبن خالي الدسم طبق صغير أو معلقتين جيلي

الناس اللي هتتمرن بعد الفطار ب ساعتين ل 3 هيبقي فيه وجبه بعد التمرين ممكن ساعتها تقسمي فطارك علي مرتين أو تاخدي سكوب بروتين أو تأكلي أي بروتين مع كربوهيدرات بعد التمرين عايز طول و مش هتتخني

هندخل بقي علي السحور هيبقي الزبادي بالليمون ده أساس الوجبه و عندك بقي إختيارات كتيره ممكن 3 معالق فول ممكن جبنه قريش ممكن بيض مسلوق، تونه مع خيار و طماطم و ربع رغيف
ايه رأيك بقا مش صعبة الحكايه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.