آراء وقراءت

أمي مشيت خلاااص

اعلان

كلمات:عزه السيد 

ااه يامااا قلبي مولع عليكي

وبحلم يا أمي بلمسة إيديكي

ااه يامااا لو ترجعي بس ثانية

أبرد لهيب  إشتياقي  اليكي

بدعي يا أمي في كل صلاتي

أشوفك في حلمي واطمن عليكي

سامحيني يا أمي لو قصرت يوم

سامحيني يا امي مالي قلبي الهموم

قلبي واجعني يا أمي تعالي

بتمنى يامااااا لو ترجعيلي

و أرمي في حضنك ألمي وأنيني

تعالى ياأمي احضنيني وخلاص

ده حضنك لألمي الدوا والخلاص

بس انتي يامااااا مشيتي خلاص

وسيبتي نار فراقك ما في منها خلاص

ماحسيتش يامااا بقيمة غلاوتك

إلا يا أمي وانا ماشيه في جنازتك

هي دي امي…..  مشيت خلاص؟

راح الحنان راح الأمان تحت التراب

لو كنت اقدر ياامي اقول لاء بلاش

بس الله أمرني أقول لا إعتراض

ده كأس وساقي ياماا كل العباد

وهشربه ياما وأجيلك أوام

بستني ميعادي وادعي ياربي

يحسن ختامي واكون ليكي صحبة في يوم الخلاص

الوسوم
اعلان

مقالات ذات صلة

اترك رد

زر الذهاب إلى الأعلى
إغلاق