أراء وقراءات

أنا وأنت متساويين

كتبت / عزه السيد

مش كل الرزق فلوس لمتك مع اهلك وانتو كاملين رزق

الشخص اللي بيبقى حنين عليك وبيخاف على زعلك رزق.

الأصحاب اللي بتكون نفوسهوم صافيه من ناحيه بعض رزق

القناعه اللي بتكون عند الإنسان والرضا بالمكتوب دة رزق

في حاجات كتير معنويه بتكون رزق

كتير بيكون اللى معاه عيال ربنا واخد منه المال

واللى معاه فلوس ربنا واخد منه راحه البال

واللى معاه صحه ومال ربنا حارمه من العيال

فمينفعش نبص لحد ف الحاجه اللى معاه

عشان احنا منعرفش ربنا حارمه من ايه قصادها

ونرضي باللى ربنا قسمهولنا علشان بالنا يرتاح

وربنا يعوضنا عن اللى مش موجود معانا

ففى الوقت اللى بيبقى مش عاجبنا حالنا فيه

بيبقى فيه جنازة فى بيت بيودع حته غاليه منه،

بيبقى في سراير فى المستشفيات مليانه مرضى بيتألموا،

بييقى فيه ناس نايمه فى الشارع وناس نايمه فى السجون ظلم

وناس مالهاش حد، حتى أكتر أوقات بنبقى تعبانين فيها بنبقى

غرقانين فى نعم وستر ربنا ومش حاسين

عارف… إنك عايش فى بركه ؟

لما يخلص الشهر من غير ماتروح للدكتور دي بركه ،

لما تاكل طبق صغير وتشبع دي بركه ،

لما هدومك تفضل معاك سنين وترميها من الزهق دي بركه ،

لما عيلتك تكون حواليك ف البيت دي بركه ، لما الشهر يخلص منغير ماتستلف بركه

الناس مش مدركة ان ارزاق ربنا متوزعه بالتساوى

وكل واحد واخد حقه ٢٤ قيراط بس الرزق مختلف

كل واحد عنده حاجة قصدها حاجه تانية نقصاه لان محدش

بياخد كل حاجه انا عندى حاجات مش عندك وانت بالمثل عندك

حاجات مش عندى ففى الاخر أنا وإنت متساويين وربنا عدل

وألف شكر ليك يارب ع البركه اللي بتعطيهالنا

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى