اسكندرية معشوقتي في الصيف وفي الشتوية

بقلم/أ.د.نادية حجازي نعمان

قالوا عليك كتير يا بهية

يا عروسة البحر الأبيض

يا أجمل مدينة ساحلية

قالوا نواتك جامدة و عفية

يا ناس قلنا بنحبوا نواتها

و الصيادين عرفونا التسمية

حافظين الأسامي والأحداث

بنستعدوا بجاكت وشمسية

قلتوا سموحة غرقت الفجرية

ردينا: ماغرقتش و الشاب

طمن والدته:أنا ف سموحة

ع البحر يا ماما

سمعتوا هوه قال إيه ع اللي بتقولوا عليها غرقت!!

سموحة بعيدة عن البحر

فرحان انها بقت ع البحر

أبعدوا وسيبوا اسكندرية

لكل سكندري و سكندرية

طب شفتوا شمسها النهاردة

فى سماها واحنا ف الشتا

و مش ف الصيفية

قلتوا الموج بيضرب صخورها

الصخور اشتكت لكم ضربية!؟

ما يمكن ضربه كله حنية

البحر النهاردة حصيرة

و الصورة أدامكم جلية

مش هي دي اسكندرية!!

يا شطك يا اسكندرية

يا حنطورك يا اسكندرية

يادراك المشوي على

كورنيشك يا اسكندرية

و يا طحالبك الخضرا و الدهبية

2022/1/8