أراء وقراءات

الإهتمام حياة

بقلم / بقلم نجلاء فتحي

الاهتمام لايطلب ولا يصاغ..

الاهتمام يمنح بقدر المحبة..

بقدر الاشتياق في القلب..

هو صفة لايمكن لاحد أن يتصنعها..

الاهتمام لايكلف شيئا ولكنه يعني الكثير.

اطلب ماشئت الا الاهتمام ..

فإنه لايطلب وإلا فقد قيمته ..

الاهتمام لا يطلب بل حبا يعطي..

الاهتمام لايطلب بل يهدى ويقدم ..

الاهتمام مطلب لا يطلب..

الست بتنطفي .. بتدبل ..  دون اهتمام .تشوفها.. تقول عندها ١٠٠ سنة وهي في عز شبابها ..لو إنجرحت أو اتاذت نفسيا أو إتخانت من الشخص المرتبطة به .. سواء زوج او خطيب .

المعاملة الجافة أو إنك متديهاش إهتمام .. أو تبقى سلبي تجاهها أو متحسش بيها .. أو تفضل ناس عليها .. أو متعملهاش خاطر .. أو تكون أناني معاها .. أو متحسسهاش بحبك .. أو متبقاش ايجابي ناحيتها بافعال تحسسها بقيمتها وانوثتها .. كل ده بيخليها تضلم .. تطفي .. تبهت.

الست عكس الراجل ميطفيهاش لا قلة فلوس ولا قلة شغل ولا غيره .. كل دي بالنسبة لها أزمات وهتعدي .. االلي بيخليها تدبل بجد قلة الحب  .. الخيانة .. ان مشاعرها تستهلك وتستنزف .. انها تحس انها في حياة اللي بتحبه صفر على الشمال.

الست بتتغذى على الحنية والإهتمام .. وطول ما انت مهتم بيها بجد وبتحبها هتعدي معاك ازمات الدنيا .

وطول ما أنت جنبها سندها وضهرها وأمانها .. طول ما إنت صاحبها قبل ما تكون جوزها .. هتستحمل وكأنها جبل ..  لو هتاكل كل يوم معاك جبنة وعيش فوق حصيرة على الأرض  .. هتستحمل وهتبقى مبسوطة وفرحانة انك جنبها وبس ..وهتقولك بقلب جامد أنا والله ما عاوزة غيرك لا فلوس ولا عربيات ولا أي حاجة أنا عاوزاك إنت وبس وهي راضية ومبسوطة….

أما لو بتكذب عليها أو مش مهتم بيها أو مش فارقة معاك والله لو أكلتها كل يوم كباب ما هتعيش يوم راضية عنك .. أصل الست الأصيلة  ميهزهاش الفلوس ولا غيره .. الست الأصيلة مش عاوزة غير سند .. غير حضن حنين تامن له ..  وبكده تبقى كأنها ملكت الدنيا كلها.

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى