أراء وقراءات

الزمن بقى غير الزمن..

بقلم : عزه السيد

كلمه وكل يوم بنسمعها من أهالينا القدام
أيام العيب  ،  وميصحش ،  ويا بت إضحكي بحساب وإمشي براحه وعلى مهلك ، واوعي حد يكلمك في السكه وتردي عليه ..

والحقيقة إن الزمن هوا هوا ..اللي إتغير هو الناس اللي بقت شايفه ان دى حريه وثقافه وموودرن ..برستيج..

يا تري إيه السبب إللي خلي العيب بقي مش عيب ؟؟؟
وخلي مفيش نخوه للراجل وهو شايف البنات بيتحرش بيهم
وخلي الست والبنت خارجه بلبسها الملفت وبرفانها الأوفر عشان تتعاكس وتحس بانوثتها
وخلي السلبيات كتيره أوي أوي تحت بند أنا عارفه حدودي كويس ..
هل السبب …
_ غياب التربيه السليمه طبعا للولد والبنت ع حد سواء
_ الفراغ والبعد عن الدين
_ التقليد الأعمي للغرب والأجانب
_ إثبات الذات وحب الظهور
_ الإختلاط الشديد في مجال العمل حتي فى السوشيال ميديا عموما دون رابط
_ تكاليف الزواج الباهظه وعدم قدره الرجل على تلبيه رغباته بطريقه مشروعه
أسئلة كتيرة محتاجه إجابة لأننا لو عرفنا الاجابة ممكن نقدر نغير حاجه من الوضع المتدنى للأخلاق اللى أصبحنا عايشين فيه، لأن المفروض ولأصح اننا نقول ،النفوس إتغيرت مش “الزمن بقى غير الزمن”

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق