المطرب على الحجار يتهم الفنان مدحت صالح بسرقة مشروعه الفني

كتبت – شيماء عطا

رفض المطرب على الحجار  الجلوس مع المطرب مدحت صالح لتسوية الخلاف بينهما واتهمه بسرقه فكرة مشروعه الفني بعد الخلاف الأخير بينهما والخاص بفكرة مشروعه (الأساتذة ) الفني وتغييره باسم (100 سنا غنا).

واوضح  الحجار  في مداخلة هاتفية ببرنامج “الستات” المذاع على قناة «النهار»، مساء يوم الإثنين10 يوليو 2023 حقيقة الخلاف قائلا : “نقعد مع بعض إزاي مش فاهم؟! حد ياخد فكرة مشروعي اللي بقالي سنين عايز أعمله زي ما هو كده، ويروح يعمله، وبعد تقعدي معاي وتقولي له معلش يا حبيبي شكرًا».

وقال :” تخيل نفسك بتعمل رسالة دكتوراه بقالك سنين وتعبان فيها، وفجأة واحد تاني ياخد نفس الرسالة ويسميها اسم تاني”.

وأضاف: “أنا عايز مدحت صالح يطلع يتكلم، يبرأ نفسه من إنه هو أخذ مشروعه، هو دايما بيقول إن على الحجار أستاذي، يكلم أستاذه بقى، إحنا ما نتساواش ببعض، أنا بحب صوته، لكن محدش عند 3 آلاف أغنية مثلي، محدش عمل 121 مسلسل، محدش عنده التنوع اللي عندي، أنا أسف الناس هتفهم إن ده غرور، ولكنها حقائق “.