الرياضة

‏حازم إمام عضو اتحاد الكرة مع شوبير : بنعتذر للشعب المصري عن النتائج والأداء

كتب/ المحرر الرياضي.

في مداخلته التليفونية  مع الكابتن أحمد شوبير في برنامج ملعب أون المذاع على فضائية أون تايم سبورتس الأولى قدم حازم إمام عضو اتحاد كرة القدم المصري اعتذارا للشعب المصري على سوء الأداء والنتائج في الفترة الأخيرة.

واضاف إمام:

‏ عندي الصلاحيات الكاملة أنا ومحمد بركات بخصوص القرارات الفنية في اتحاد الكرة .. اسم كارلوس كيروش مطروح وما اعتذرش .. اسم مصر كبير وفي كمية وكلاء ومدربين كلموني بنفسهم لتدريب منتخب مصر.

وقال إمام:

‏ إدانة وزارة الشباب والرياضة لاتحاد الكرة؟ مفيش عضو في الاتحاد كان يعرف عن خطاب تنظيم نهائي دوري أبطال أفريقيا أي حاجة .. الخطاب موصلناش ايه اللي هيخلينا نعمل حاجة بشكل متعمد .. أي حد أخطأ هيتحاسب واحنا مش ضد نادي معين والخطأ وارد.

وتابع إمام:

‏الخبير التحكيمي بيتكلم إنجليزي وكلمته عن طريق الزووم ووافق يجي لتطوير التحكيم في مصر.

وقال إمام:

‏ اللواء حلمي مشهور هو اللي بيتواصل مع كيروش بس لسه مردش علينا بشكل رسمي .. ولو وافق هيبقى حاجة كويسة ولو موافقش في مدربين كتير

وتابع إمام:

‏ اتحاد الكرة ليه فلوس كتيرة بره .. في فلوس هتدخل في الفترة اللي جاية وعندنا شركة رعاية قوية جداً .. عندنا فلوس وموارد بس ممكن تتأخر شوية .. اتحاد الكرة المصري اتحاد كبير في أفريقيا والوطن العربي ونستاهل نحطه في مكان أحسن.

 

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.