الاسرة والطفل

حدوتة أبلة أميرة.. إكرام الضيف

 

مساء السعادة …..والسكر الزيادة.

كله يقرب يجمع عندى…..يلا تعالو حبايب قلبى.

أصدقائى…..أكرم ضيفك لان ربنا أكرم منك بكثير.

كان فى أمير فى يوم من الايام هو والوزير ، دخل بيت رجل فقير ، وكان الرجل الفقير لايملك غير معزه ، بيعيش من لبنها، ويصنع منه الذبدة والجبنة .

الرجل الفقير كان فاكر أنهم ضيوف، فأمر زوجتة بدبح المعزة،اللى عايش عليها من سنين ، ليكرم بيها ضيوفة السهرانين.

الأمير كافىء الرجل الفقير، وأعطاه فلوس ودهب كثير ، ردا لضيافتة هو والوزير.

الوزير كان غيران من الفقير…وقابل كرمة بشر كبير.

وقال فى نفسة انا لازم أخذ الدهب والفلوس لنفسى من للفقير.

الوزير قال لأمير..ان الفقير كان عارف انك انت الامير وانا الوزير.

وكان عمال يقول….هو   ، هو    ، هو .

الأمير قالة يعنى يقصد ايه بكده؟

الوزير قاله….يعنى يقول…

هو ….. بخيل

هو……..حقير

هو…….ماينفعش يكون غير غفير

ويقصدك بالكلام ده ياامير.

الامير زعل وامر بقطع رقبة الفقير.

الوزير فرح بقرار الامير.

الامير راح بيت الفقير.

الراجل الفقير قال للامير .

هو…… هو…..هو….

الامير اتغاظ اوى وقال للراجل الفقير  تقصد ايه؟

الفقير قاله:

هو…سبحان من طير الطير بالجو

هو….سبحان من امشى الاعمى من غير ضو

هو….سبحان من يقضى بعدله على اى إنسان سو.

الامير فهم وعرف خطة الوزير، وأخرج سيفه وقطع رأس الوزير.

وعين بدل منه الرجل الفقير.

من حفر حفرة لاخية وقع هو فيه.

خلصت حدوتة انهاردة

مع تحياتى

 اميره حسن

 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق