الفن والثقافة

ريهام سعيد تعتزل العمل الإعلامي وتتجة للتمثيل

كتب/حسن ابوكباش

قررت الإعلامية  ريهام سعيد  اعتزال العمل الإعلامي نهائياً وذلك في رسالة لها عبر حسابها الموّثق في “انستجرام” والتركيز في التمثيل بحسب ما قالت في رسالتها.

واوضحت« ريهام» أنها في الأصل ممثلة، مضيفة أن العمل في الإعلام تسبب لها في عدد كبير من المشكلات بسبب نسب المشاهدة العالية التي كانت تحققها، بحسب ما وصفت.

وذكرت : “فكرت كتير قبل ما اكتب البوست ده. أنا اعتزلت التمثيل سنة 2015 لأني حسيت أن صاحب بالين كداب وأن التمثيل مؤثر على مسيرة الخير اللي أنا بدأتها من سنين طويلة عشان الوقت والمجهود إللي بعمله. لكن عشقي للتمثيل إللي هو دراستي ومهنتي الأولى قبل الإعلام رجعت أمثل تاني وأنا لسة في نظر المخرجين والمنتجين مذيعة عايزة تمثل

وأضافت: “كنت أعلم أن عشان آخد مكان كممثلة لابد من التركيز في عمل واحد وترك العمل الإعلامي مثل « داليا البحيري وبسمة ودينا فئاد ودينا الشربيني» وغيرهم بس مكنتش قادرة أسيب رسالتي إللي كانت مهمة أوي وقتها. أنا حصل لي مشاكل كتير من المهنة دي بتأثير باطل من السوشال ميديا من منافسين وأعداء بسبب المشاهدة العالية جدا والنجاح أنا تعبت وحاسة أني قدمت كل اللي ممكن يتقدم والدولة عاملة اللي عليها ومش محتاجين دور المجتمع المدني في مساعدة الناس، لكن أنا ليا الشرف أني اشتغلت في المهنة العظيمة دي اللي ليها رسالة سامية وعظيمة وليا الشرف أني كنت إعلامية في أصعب وقت مر على الإعلاميين أيام حكم الإخوان والحمد لله كان لينا موقف واضح ومتغيرش ولا دقيقة

وتابعت: “أنا الحمد لله حققت نجاح في التمثيل وكل ما  اشتغلته علم مع الناس واشتغلت أعمال كلها قيمة بس بعد ما جالي السكر وشوية مشكلات تانية قررت أعمل اللي بحبه أنا بكل أسف بعلن اعتزالي الإعلام تمامًا وهركز كممثلة وهأطلب من الدكتور أشرف زكي أنه يساعدني أني أغير الفكرة الموجودة في أذهان المخرجين والمنتجين أني مذيعة

واختتمت: رساله للأستاذة كاملة أبو ذكري ومش مكسوفة، نفسي أوي أمثل معاكي حتى لو مشهد ده من أحلامي، خطوة صعبة وفيها ريسك كبير بس على الأقل أجري ورا حلمي حتى وأنا في السن ده. جه الوقت أني استمتع باللي بعمله وبحبه خصوصا لما يكون في عصر ولا في واسطة ولا محسوبية اللي هايجتهد هيوصل. ماتسيبوش حلمكم مهما فات الوقت. بشكر جمهوري من الأمهات والشباب والأطفال اللي دائمًا بيدعموني وحبة برامجي واتعلموا منها وبشكر ربنا على عشرين سنة اعطاني الفرصة فيهم أني أقضي حوائج الناس وأقدم كل ما هو مفيد، فخورة بكل حلقة وبكل حرف قدمته 20 سنة تعب وسهر. أنا آسفة ليكوا بس التمثيل رسالة برضوا وهو حلمي الأساسي واللي اتأخرت أوي عشان أحققه يارب وفقني وساعدني أن احقق نجاح مثل ما تحقق في المجال الإعلامي

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى