الفن والثقافة

شاعر الوطن يرثي طبيب الغلابة

اعلان

محمد مشالى .. طبيب الغلابة
بقلبه الحنيِّن فى عصر الديابة
بيكتب روشته بقلبه الحنين
وحاسس بناسُه وع الكل هيِّن
وينسى همومه ولا يوم يبيِّن
ببسمة جميلة ما يعرف كآبة
محمد مشالى .. طبيب الغلابة
…….
محمد مشالى برغم انه محنى
بكرمه اللى زايد فضحكوا وفضحنى
وخايف خياله لو يوم لمحنى
يقوللى يا خايب فى كل الكتابة
بتكتب مشاعر فى وسط الموات
وقلبك ده شاعر ؟ واللا ده مات ؟
وتسكت حروفى وانسى اللغات
واللا انطق كلامى ولو بالدعابة
محمد مشالى .. طبيب الغلابة
……………
ده عايش حياته بقاله سنين
بيرحم ويعطف ع الغلبانين
ويكشف وياخد أقل القليل
ومشهور ما بين الخلايق نبيل
عشان قلب طيب ومعدن أصيل
صبح نبت طاهر فى أرض الطيابة
محمد مشالى .. طبيب الغلابة
………..
يا بخت اللى عايش فى صف الفقير
ح ياخد محبة ويكسب كتير
ما دام عاش ما بينهم بحب وضمير
بأسوة نبينا وطبع الصحابة
سلام ع اللى عاش السنين للإله
ما همُّه زخارف لا منصب لا جاه
ودعوة غلابة ح تبقى النجاة
وقصة حياته فى لحن الربابة
محمد مشالى .. طبيب الغلابة
…..
شاعر الوطن الشحــ النقيدى ــات

الوسوم
اعلان

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق