الفن والثقافة

بالفيديو : احمد زاهر يكشف كواليس شخصية ” جمال لبة “

اعلان

 

كتب : محمد مصباح

كشف الفنان احمد زاهر منذ قليل عبر حسابه الشخصي على فيسبوك جميع كواليس مكياج شخصية ” جمال لبة ” المحامي بمسلسل ولد الغلابة لأحمد السقا.

الجميع يعلم مدى وسامة شخصية الفنان المصري احمد زاهر وأنه قد حصل على عدة جوائز الفترة السابقة في التمثيل منها على سبيل المثال وليس الحصر جائزة ” دير جيست ” كأفضل ممثل مصري عن مسلسل ” الطوفان “، وفاز أيضاً بعدة استفتاءات كــ ” أشيك ” شخص وفنان مصري .

فليس من السهل إطلاقاً التخلي عن تلك الوسامة والشياكة من أجل دور في مسلسل، وليس أبداً من السهل تحول فنان أمام جمهوره بهذا الشكل، ولكن عادة ما يحدث هذا من فنان عبقري يعشق عمله مثل الفنان احمد زاهر، وهذا ما حدث بالفعل في مسلسل ولد الغلابة فحتى بظهور في المسلسل في الحلقات الأخيرة ترك بصمة كبيرة جداً في المسلسل وكان هو بطل أخر حلقات المسلسل .

وقد أشار مسبقاً الناقد الفني الكبير الاستاذ حسين اسماعيل عن شخصية جمال لبة قائلاً :

فى كل مكان هتلاقي واحد بيخلص، حرك، فراك، عنده كل المعلومات و فاهم و ساكت، غالبا الشخص ده شكله الخارجي أهبل، أو بيدعى الهبل لغاية ما ياخد اللى هو عاوزه، دايما ملامحه لا تدل على شخصيته، بتوحى دايما إنها عكس قدراته، لما تقرب منه هتكتشف بالظبط إن تحت السواهى دواهى، و إن اللى تفتكره أهبل يطلع هو الكل فى الكل … و دا ليه …؟
عشان بإختصار شديد إستخدام الشكل لإبراز سلوك ما غير الحقيقي هو اللى بيدراى عنك مصائب كتيرة، و السلوك التعويضي ده بيستخدمه الأشخاص عشان يدارو به نقيصة جواهم، فمثلا هتلاقي واحد دايما يتكلم عن إنه بيكره الكذب جدا، و طول الوقت يفضل يتكلم عنه، و لو ركزت معاه فى تفاصيله هتكتشف إن هو أكبر كذاب … كذلك ( جمال لبه ) هيئته لا تدل على قدراته مش عشان هو غبى، خالص … لأنه بيشتغل شغل شمال، و الشغل الشمال لازم يكون متدراى …
( أحمد زاهر ) بالنسبالى زى الأثر، كل ما يقدم يحلى، و كل ما يغيب يكون حضوره أقوى، و كل ما يمثل يعمل دور مختلف، و كل ما يكون مختلف كل ما ينجح أكتر، و كل ما ينجح أكتر أكون أنا مبسوط …
( زاهر ) ممثل و إن كان صغير السن عمرا إلا أنه قدير المقام فنا، مهما يغيب بكون على ثقة و يقينى صلب إنه راجع بقوة، و كل دور كأنه بيقول أنا ببدأ من جديد، محترف بروح الهاوى، واثق من الخطوة زى الفارس، مش مهم وسامته تروح، المهم الشخصية تحضر …
أنا حبيت شخصية ( جمال لبة ) …

شاهد الفيدوهات عبر حساب الفنان احمد زاهر من الرابط التالي :
https://www.facebook.com/ahmed.zaher.5205/posts/10157060315693617

 

الوسوم
اعلان

مقالات ذات صلة

اترك رد

زر الذهاب إلى الأعلى
إغلاق