كلمات شاعر الوطن / الشحات النقيدى
أنا ح أجرى وأقول لبابا
ولكل الناس غيتونى
وح أغنى على الربابة
غنوة للى باعونى
ده كنت خروف حنين
باسكت ولا يوم أبين
ليه بس فراقى هين
وغرامكم تدبحون ؟
………….
مكتوم ولا قلت ماء
ولا بصيت للسماء
ودعيت سرا عليكم
بهدوءى بتعرفونى
ضحيتوا فجأة بيا
ولا شافعة دموع عينيا
طب إيه بس بإيديا
واترجاكوا تسيبونى
سيبونى فى الزريبة
لو ويا اغنام غريبة
ولا ح اعمل حاجة عيبة
أرجوكم جربونى
وأنا ح ارضى بأى عيشة
لو حتى ف أى خيشة
لو تبن وحاف راح آكل
ولا ح اشكى وتسمعونى
…………..
فيه ياما كتير حداكم
خرفان ومعيز معاكم
باحلف قلبى اشتراكم
من قبل ما تشترونى
………..
وان كنتوا خلاص نويتوا
ولدبحى خلاص هويتوا
ناموا والصبح بكرة
راح تصحوا ما تلاقونى
………..
11 يوليو 2022