عودتهم..

كتبت / عزه السيد

ساعات غلطك كله بيتلخص في كلمة واحدة
وهي في انك ” عودتهم ” ..
عودتهم انك مهما يحصل مابتزعلش علشان كده بطلو يعملو خاطر ليك و لزعلك ..

عودتهم انك بتسكت وبتعدي ليهم طول الوقت فبقو بيتمادو و بيجو عليك اكتر ..

عودتهم انك بتريحهم حتي لو علي حساب نفسك فمبقاش فارق معاهم راحتك ..

عودتهم انك في اي حاجه بتوافقهم وبتطاوعهم فا بقي بنسبالهم حق مكتسب ..

للأسف الغلط الاكبر مش علي اللي خد كتير وماقدرش ،
الغلط على اللي عودهم اصلاً انه بيدي كتير من غير حساب ..