أراء وقراءات

فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا “

اعلان

بقلم / عزه السيد


لما بقرأ قول الله تعالى ” فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا “
الأية دى كتير بتخفف على قلبى كل ألامه

بتخيل لحظة وجعى وحزنى اللى بمر بيهم الفترة دى وهما جايبينلى وراهم موكب ضخم مليان بأفراح ومفاجئات سعيدة
كانت موجودة ليا فى المستقبل , وقلبى مكنش متوقع حدوثها

إتخيل بقى إنت كمان
إتخيل على قد ما تقدر وإطلق العنان لخيالك
وخلى الكلمتين دول فى بالك ” خَيْرًا كَثِيرًا”
علشان كده إمتص صدمات قلبك وعلاقاتك , لعل شئ واحد كارهه دلوقتى
هيكون سبب بركة فى أمور كتيرة أووى هتجيلك فى المستقبل القريب

وحلمك اللى ساكن أعماق قلبك
لدرجة بقى جزء منك ومبيروحش عن بالك
ولا تفكيرك ودايما بتسعى له وتتحمل بسببه أيام تقيلة

وقطعت فى سبيله مسافات طويلة
وأستسهلت بسببه الأمور الصعبة

صدقنى على قد ما عاش فيك هتعيشة
وعلى قد إيمانك الشديد بيه هتوصله

إفتكر إن كل متوقع آت ” فمنتظر الفرح
سيحصل عليه وصاحب اليقين بفكرته
ستتحقق وإن غدًا لناظره قريبُ

هتحس إن تعبك يتحول لشئ جميل
وتوصل لحلمك الجميل بعد ما إتحملت كتير
ويتحول التعب اللى مريت بيه
لـ برد وسلام على قلبك الجميل

أيوه هى لذة الوصول اللى من جمالها هتحس
إنك ملكت الكون كله وتنسى بيها تعب الطريق

الوسوم
اعلان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق