كتبت / عزه السيد
النضافة ثم النضافة
اهم حاجة عندنا لازم تكون بيوتنا نضيفه لأنها عنوانك
لو الغسيل عندك كتير كل يوم هنعمل مثلا دوره غسيل أما لو الغسيل مش كتير اعملى دوره كل يومين او ثلاثة علشان الغساله ماتعطلشى
اكنسى الشقه ولمعى الحتت اللى باينة بمية وبرسيل جيل او داونى او اى حاجة ريحتها نفاذة بس نقطة مش كتير عشان مترغيش،( يعنى تعمل رغوه) وترشى معطر وتشغلى قرآن وتبخرى وتهوى البيت دايما
اغسلى المواعين اول باول ومتبيتيش مواعين فى الحوض لأنهم ملاعين بيلموا حشرات
نيجى عالحمام بعد ماتخلصى ترويق هتاخدى حتة سلك وتدخلى قبل ماتاخدى شاورك والله وهى السلكه ناشفه ادعكى المرايا هتلمع وتبقى زى الفل من غير اى ملمع
هتخلى كيس برسيل جيل مفتوح دايما ف الحمام وتدعكى الحنفيات والاحواض والتواليت طبعا بفرشتة دايما حطى فيها كلور واريال وبرسيل جيل هتلاقى نفسك كل شوية بتعملى بيها وتحسى بنضافة
وتيجى اخر حاجة تنشفى الارض كويس جدا بالشرشوبة وفيها بردو نقطة برسيل او كلور هتلاقى الحمام يوميا بينور
وفرش السرير كل 3 ايام وممكن نجيب ملايه قديمه نقطعها ونحط قطع علي اكياس المخده عشان متتوسخش بسرعه ولو جالك ضيوف ف اي وقت تشيلي الحتت دي تبقا الاكياس بتاعت الملايه قشطه ولازم انتي وهي شعارك ف الحياه اكنس بيتك ورشه عشان متعرفش مين هيخشو
،وهقولك علي حاجه تاني حطي دايما حافظه ع السجاده هتحافظ عليها وتفضل دائما جديده لو معندكيش حافظه متزعليش نفسك شوفى ملايه قديمه وحطيها على السجادة وشيليها كل يوم نفضيها اظن
سهله دى وخفيفه
ونيجي للدولاب بقي دولابك ومطبخك وجهتك قصاد الناس حاولي اي كراكيب عندك مبتستعملهاش ترميها فورا واي هدوم مش بتتلبس خالص اديها ل حد محتاج كل ما الشقه بتبقا هاديه بتبقا احسن واجمل
لو انتى ساكنه في شقه ايجار جديد لازم تعرفي أن كل اللى فى الشقة دي ملكك يعني تلاجتك غسالتك بوتاجازك فرشك كل ده ملكك انتي ف اي مكان تروحيه هتخديهم معاكي لازم ايدك تبقا فيهم ع طول وتنضفي الدنيا
واللي تقولي اصل نفسيتي تعبانه
ع فكره النضافه ملهاش علاقه ب النفسيه ب العكس انتي لما بتنضفي وبتبصي للشقه كده تفسيتك هتبقا احسن
تعالوا بقي اقولكم معلومة النهارده
عارفه حمام الكريم بتاع الشعر هتجيبي شويه خل ع قماشه ولمعي الخشب وبعدين تجيبي قماشه نضيفه وحطي فيها حتته حمام كريم وامسحي بيهم الخشب مش هتلاقي نقطه تراب الا بعد اسبوع عشان حمام الكريم ع الخسب بيعمل عازل للتراب
جربي مش هتندمي