كلام ستات وشوية تكات
![](/wp-content/uploads/2024/02/inbound4160069739317361784.jpg)
كتبت / عزه السيد
كلام هيفيدك اوى ..خلي اكلك ذي المطاعم واحلي كمان نقول ️ بسم الله
نص معلقه صغيره كركم مطحون ونص معلقه كزبره ناشفه ونص معلقه كمون ونص معلقه ثوم بودر على الدقيق بتاع #السمك المقلي بيخلي لونه تحفه وطعمه احلي واحلي
نص معلقه صغيره سكر علي السلطة البلدي بتاعتنا بتخليها زي بتاع المحلات
لو السمك المقلي بيشرب زيت يبقا بعد ما نغطيه بالدقيق نزليه فطبق غويط فيه ميه وبعديها ع الزيت هيفضل مقرمش لتاني يوم جربي وادعيلي
لما تيجي تطبخي الفاصوليا أو اللوبيا الجافة تنقع قبلهم بليلة ومش هتاخد معاكي وقت ف السوا
احتفظي بالقشطة اللي بتكون علي وش اللبن المغلي وتعملي منها احلي زبده بلدي ونضيفه
طشة الملوخية عشان تعمل صوت عالي يبقا لازم تكون الزبده أو السمنة البلدي بتاعتها كتيرة وده السر أصلا
صلصة الطماطم عشان تتسبك صح وتطرد الدهون اللي فيها يبقا تحطي معاها معلقة صغيرة ملح ومعلقه سكر
البتنجان لو بيشرب زيت رشي عليه ملح وحطيه فمصفاه ينزل الميه اللي فيه أو تقطعيه رفيع مستحيل يشرب زيت معاكي وادعيلي
جربي متحمريش الثوم أوي وانتي بتطبخي خليه لونه مبيض شويه بس ويطلع ريحته هتدعيلي والله
قبل ما تطبخي الخضار شوحيه مع البصلة بملح وفلفل وبعدين نزلي الطماطم وكبشتين شوربة هتدوقي أحلي وألذ طبيخ.