كلام ستات وشوية تكات

كتبت / عزه السيد

كلام مفيد ونصايح مهمه يا ست البيت

لمنع السوس و الحشرات في الدقيق و المكرونه او البقوليات ضيفي عليهم ورق غار
تقدري تضيفي ورق غار في دولاب بتاع المطبخ لمنع الحشرات و الصراصير
حطي شوية رز فى الملاحه عشان تمنعي تكتل الملح فيها
ضيفي على الرز دااائما ميه مغليه مش بارده علشان ميعجنش منك
قبل ماتقوري البتنجان ادعكي إيدك بليمونه علشان متسودش
لو اللبانه لزقت في الهدوم مرري عليها تلج واتخلصي من البقايا بفرشة الاسنان او طريقه تانيه رشي عليه شويه بيرسول وادعكي كويس هتختفي تماما
بقع الحبر على الملابس تشليها عن طريق دعكها بالديتول الغير مخفف
اخلطي الديتول مع معطر كونفرت مع الميه وامسحي بيها الأبواب هتبقي زي الفل
الخل وملح الليمون مع صابون المواعين بيديها لمعان جميل ويزيل اصعب الدهون
لتنضيف مفاتيح البوتاجاز نقطع ليمونه كبيره إلي نصين ونرش عليها ملح ليمون وندعك المفاتيح باليمونه لازالة الدهون والزيوت.