كلام ستات وشوية تكات

كتبت / عزه السيد

 

 

لو المكنسه ( المقشه ) بتاعتك العاديه مش بتغسليها وتجففيها علي الاقل مره كل اسبوع بيتعمل ريحه وحشه وتخلي الشقه ريحتها وحشه

ولازم مكنسه للمطبخ ومكنسه للرسبشن

المكنسه الكهربه لازم الكيس يتنضف بعد كل مره ويتعطر والا الكفاءه حتقل وحتطلع ريحه وحشه

الغساله ارحميها كفايه مره كل يومين منها توفري المسحوق ومنها ترحمي الغساله وكمان متقليش فى حموله الغساله علشان تحافظى عليها وتعيش عمر اطول

 

اللبس الخارجي اغسليه قطعه قطعه وبصابوبه بريحه علي الحوض حتتخلصي من العرق والاوساخ طب لو فيه بقع انقعي في كلوروكس الوان ساعة واشطفي.

التلاجه افصليها كل شهر ساعتين متصلتين ونضفيها كل اسبوع للحفاظ علي قوة التبريد.

الديب فريزر رتبي كل درج واكتبي اسم اللي فيه وتاريخ الشراء و الا تعرضي عيلتك للامراض دول امانه في رقبتك

الشوربه وانت بتعمليها ازيلي الريم اول باول لضمان جمال وريحه الشوربه وللتخلص من زفاره اللحمه واضيفي قطعه دهن مع اللحم. والا بقت ميه ولما تجمديها ازيلي الدهن.

لما تشترى البطاطس متحطش مع البصل والا تعفن افصلى بينهم

الرز لازم يشرب الشوربه خالص وتحطي تحته شياطه وتوطي عليه وبعدين حته زبده علي وشه مع غرس الحبهان فيه ثم تزال لان الولاد مبيحبوش الحبهان

فرش السرير يتشال كل يومين ويغسل ويعطر السرير ويمسح اسفله والا تراكمت الاتربه فتؤدي للحشرات ولا تنسي رش تحت السرىر باستمرار

 

عند طهي البانيه نضع ملعقه بيكينج بودر للدقيق ومثلها بودره لبن يجعلها هشه…

واخيراً مسح التلاجه او البوتجاز بالكلور يعرضهم للتقشر فيكفي ماء وخل

Exit mobile version