من القلب للقلب .. خليك حر

بقلم/أمل الوكيل

كل إنسان في الحياة ليه تجربته الشخصية الخاصة بيه والي من خلالها بيحكم على كل الأمور حواليه، سواء كانت التجربة دي في جواز/شغل/دراسة/سفر،
فمتاخدش كلام حد عن ايه الصح وايه الغلط، ايه الحلو وايه الوحش، ايه المناسب ليك وايه اللي مش مناسب باعتباره هو المقياس أو المعيار المثالي، كلنا في الاخر بشر وكلنا مرينا بظروف

وعقبات ونجاحات وإخفاقات مختلفة عن بعض، فمتسمعش كلام حد وتحكم علي الأمور بمنظور الآخرين وخوض تجربتك انت الخاصة بيك،
وقرر لنفسك ولحياتك وكون قناعاتك وأفكارك بحرية واستقلال تام، وتأكد تمامًا إن كل طريق فيه الحلو وفيه الوحش، وإن كل واحد فينا ليه تجربته الخاصة الي قد لا تكون ذات أي قيمة في حياة الملايين غيره، فحدد لحياتك المناسب ليها بناءً على ظروفك الي محدش يعرفها غيرك، وخليك واثق في نفسك ومتصالح معاها مهما كانت النتائج عشان تحس بالفخر في يوم من الأيام إنك وصلت لكل حاجه انت فيها باختياراتك وقراراتك مش باختيارات وقرارات حد تاني.