آراء وقراءت

من القلب للقلب.. رحلة والكل طالعها.

اعلان

بقلم /أمل الوكيل

كل واحد فينا عنده رحله ..

مايقدرش يتحكم في مدتها لكن يقدر يتحكم في جودتها..

مايقدرش يتحكم في كل الي فيها لكن يقدر يتحكم في نظرته ليها..

رحلاتنا مختلفه بعمق اختلافاتنا ..
مافيش فيهم رحله زي التانيه..

ماهما انبهرت برحله حد و حاولت تقلده دي حتفضل رحلته هومش رحلتك انت!!
حاول ماتكونش رحلتك مشوهه مابين تقليد ده و ده خلي رحلتك مختلفه..
استمتع بتميزك و اختلافك ..
كن انت..
انت و بس ..

رحلتك بصمتك للعالم ..
برغبتك او غير رغبتك بتأثر و تعمل أضافه ..
تقدر تختار بس نوع الاضافه ..

حاول طول الرحله توضب شنطتك اول بأول ..
تشيل الي مالوش لازمه و الي مابقتش تحتاجه و تحط الي بقيت عايزه و محتاجه ..
من الغباء انك تفضل سايب الحاجات الي مش عايزه و لا محتاجها لمجرد انه اتحطت و خلاص ..
مافيش وخلاص

حاول يكون حملك خفيف عشان رحلتك تكون خفيفه ..
حملك خفيف من الهموم و الاحقاد و الخوف ..

حاول تمسك بايد الي حمله تقيل ..
شيل شويه في النص شنط غيرك ..
اكيد في يوم حتحتاج الي يشيل معاك شنطتكً او يسندك ..

حاول تكون مصدر للسعادة ..
خليك محطه السعاده

رغم اختلاف كل الرحلات و ان مافيش رحله زي التانيه الا ان في حاجه ثابته في كل الرحلات ..
التناقض الشديد ..
كلنا رحلاتنا بتتحرك بين السعاده و الحزن ..
النجاح و الفشل ..
الصحه و المرض ..
مهما اختلفت النسب ..
الثابت هو التناقض

بس مش علي طول ..
في محطه ..
بنسيب شنطه التناقضات …
بنسيب الهموم و المرض و النكد و الحزن ..
..

و عشان المحطه دي نهايه رحله التناقضات فالوداع بيكون قمه التناقض ..
دموع و حزن و الم وعدم فهم مقابل سكينه و راحه و سعاده و فهم … اخيرا

بتكمل الرحله ..
علي امل بلقاء قريب او بعيد ..

للى سافروا و سابونا من غير ميعاد و لا ترتيب
و لا حتي كلمه وداع ..
رحلتهم في قلوبنا لحد الميعاد ..
قريب كان او بعيد

الوسوم
اعلان

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق