أراء وقراءات

من القلب للقلب.. فقر الروح

 

بقلم : أمل الوكيل

الفقر كلمة مُفجعة جداً..كلمة اترجمت وارتبتط فى عقولنا بالفلوس..فقر المال وحِش مفيش كلام واللى يقول غير كدة يبقى شخص غير محايد وغير مؤمن بالحقيقة..لكن المال جزء من الفقر مُش الفقر كلهُ.

فيه فقر اصعب من فقر الفلوس بمراحل اصعب من انه يتوصف اصعب من انه يتحل.. فيه حاجة اسمها  فقر الروح يعنى.. ممكن يكون معاك فلوس لكن مريض ومرضك مش متوافق مع العلاج ..ممكن يكون معاك الفلوس لكن عقيم وعلاجك مش نافع..ممكن تكون شخص غنى لكن سيئ السًمعة..شخص غير مرحب بيه فى حياه الاخرين..او شخص معروف عنه جبروته وكذبة وقسوته.

ممكن يكون معاك المال ومسلوب منك نعمة الراحة والطمئنية..كل ده فقر ابشع من فقر المال بمراحل لما تحس ان الناس رافضة تعاملك او بتتعامل معاك بناءًعلى قد اللى معاك وبس يبقى انت فقير الكرامة وعزة النفس..ولو انت فقير المال..لكن غنى بروحك السوية غنى بحب الناس وربنا واضع قبُولك فى قلوب خلقهُ..غنى بشهمتك وسيرتك ومواقفك صدقنى هتعرف ان ده الغنى الحقيقى اللى بجد..انك تنام وانت مرتاح البال وعارف انك لا ظلمت  دى بمال الدنيا كُلها..

انك تكون عايش بصحة مُعافه من الامراض (النفسية قبل العضوية)وفـ سلام داخلى وبين اهلك ودايرتك البسيطة..فلوس الدنيا كُلها ما ينفعش تعوضك عن حاجة واحدة من دول..يا جماعة الغنى غنى النفس والعمل والرضا بالمقسوم واللى يكابر ويقول لاء يبقا جشع ولو معاه مال الدنيا عمُره ما هيشبع ولا هيحمد ربنا.

فوالله اياً كان حالك انت احلى من غيرك بكتير اوى..القصة والحدوتة مهما طالت هتخلص وكُلنا هنتسواى فى العمل مُش الفلوس..كُلنا هنروح..ويابخت اللى يروح وربنا راضى عنهُ.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق