آراء وقراءت

من القلب للقلب.. قول الحمد لله

اعلان

بقلم / أمل الوكيل

الواحد سبحان الله كل شويه بيتفاجئ بحاجات بسيطة عايشها بس ممكن تتاخد منه في لحظه ..واحنا
وقت الثوره كان الاحساس بعدم الامان ..
وضربه الدولار الاحساس بالفلوس و الرفاهية

المره دي الضربه اشد.. حريتك في الحركه ..

مين كان يتخيل ان الواحد حيفكر مليون مره قبل ما ينزل الشارع !!
او يقابل الناس الي بيحبها !!

او ان احلامه في لحظة تتحول لكابوس
او ان المذاكره و الدروس الي البيت كله بيلف حواليه يقف كده تماما !!
و الجدول المعتاد الممل البسيط المعتاد عليه .. زي ان الولاد ينزلوا المدرسه .. فنجان قهوه في كافيه.. مشاوير بسيطه و ممله .. جداول و خناقات الدروس و ترتيباتها .. تمارين .. كل ده فجأه يقف ..
كل الزحمه تقف ..
كل المشاوير تقف
..
و تظهر قيمه الوقت .. وقت طويل.. محتاج تملاه و تشغله بحاجات بديله انت مش عارفها .. اوً مش متخيلها !!

امبارح و انا ماشيه في الشارع كنت مستمتعه جدا بمنظر العربيات الي بتلم الميه.. و العربيات الي بتسفلت الشارع .. الناس الي بترجع خسائر العاصفه و بتحاول تصلحها ..الناس عندنا بتعرف تتكيف والله
الانسان عنده قدره عظيمه علي التكييف ..
و الحقيقه الثابتة الوحيدة هي التغيير ..
و كل ما الواحد بيكون عنده قدره علي التكييف مع التغيير كل ما حيكون اهدي .. اسعد ..
و هيطلع احسن حاجه في الوضع الي هو فيه ..

يمكن كنّا محتاجين نعمل وقفة شويه مع نفسنا نتلم و نقعد و نهدي ؟؟

او محتاجين نقدر الي بنملكه

يمكن محتاجين نوقف النمط الاستهلاكي الرهيب بتاعنا !!

نرجع لنفس النقطه ..
الزحمه و التوتر و الدوشه بتاعه الحياه اليوميه اتشالت .. ظهر بداله الوقت ..
السؤال هنا.. نعمل ايه بقي ؟

الوسوم
اعلان

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق