أراء وقراءات

من القلب للقلب .. ليه الراجل مايعيطش

بقلم : أمل الوكيل

ليه الراجل مايعيطش ؟؟..ليه لما يبقى راجل بشنبات ويموتله حد بيحبه ماينفعش او مايقدرش يعيط ..ليه لما يكون حزين من جواه ماينفعش يعيط ..ليه حاجرين على شعور عادى جدا من حق اى انسان يحس بيه!! .

ده دماغنا وده اللى طلعنا ولادنا عليه ان دموعه عيب.. وانه شكله وهو حزين ومكسور هتخلى الناس تتجرا عليه بعد كده .. او مراته مثلا هتقول عليه ضعيف.. طيب هو بقى يعمل ايه فى شعوره وهو محبط وعاوز يمارس حقه الطبيعى ويعيط .. يسكت ولا يستخبى ولا يحس انه عامل عاملة.

طيب ماتيجوا نعلم ولادنا حاجات تانية كتير مفيده .. زى ازاى مايخلفوش وعدهم ..او ازاى يكونوا أد المسؤلية ..او نربيهم على احترام حرية الاخرين او حاجات كتير لو ماعملهاش يبقى راجل عادى بس العياط لا. بنعلمهم ان العياط للبنات الخيبة اللى مش بتعرف تواجه مشكلة وبالتالى تزيد البنات فى الخيبة وتعيط وخلاص.

الرجولة مش بتضيع من العياط .. مش عيب ان الراجل يعيط ويجرى على حضن حنين يحس جواه بالامان يطبطب عليه ويقوله مشكلة وهتعدى وعيش علشان تكمل وبالراحة فكر علشان الدنيا تمشى.. مش بيجرى على حضن اهله علشان يقولوله امسح دموعك وعيب تعيط .قال يعنى لو خان اوباع او افترى هيبقى راجل بس لو عيط لا .طيب مانعلمهم الاول ازاى يبقوا بنى ادمين كويسين ويعيطوا عادى جدا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق