منوعات

من القلب للقلب

جواز الصالونات

كنبت:أمل الوكيل.
الناس إللي فاهمة أن جواز الصالونات هو ان البنت بتكون قاعدة في البيت زيها زي حتة من العفش و منتظرة اللي هاييجي يقدم أفضل العروض علشان يشيل البضاعة أحب أقوللهم بطلوا تسمعوا من ناس سطحية و تافهة.

جواز الصالونات معناه أن في شاب شاف شابة في أي مكان و أعجب بيها. في فرح وللا عند صاحبتها وللا في الجامعة وللا في الشغل وللا في النادي حتى، و بعدين لاحظ تصرفاتها و سلوكها و سأل عنها و عن أهلها و أختار أنه يبدأ من دخول البيت من بابه و يقعد مع أسرتها في “الصالون”.

جواز الصالونات مش معناه أنه هايدخل يقول عايز بنتكم و هما يشوفوه كويس و هايشيل فيقولوه هاتدفع كام.

جواز الصالونات مش معناه أنهم أسبوعين و هايتجوزوا

جواز الصالونات مش معناه أن الطرفين مش هايتعاملوا مع بعض علشان يختبروا بعض و يتعرفوا على بعض.

جواز الصالونات مش معناه أن الطرفين فشلة في العلاقات الإجتماعية فلجئوا للأسلوب دا.

ماترخصوش الحياء و تسموه خيبة و ماترخصوش من رضا ربنا و تسموه بيعة و شروة و ماتسموش الحاجات بمسميات الناس تكرهها علشان تطفش منها. مش لازم علشان انت مش حابب حاجة أنك تكره غيرك فيها و بالذات لما يكون أصلاً فيها خير و تكون التجارب أثبتت أن نسبة النجاح و الفشل فيها متساوية مع غيرها.

ياما علاقات استمرت سنين و انتهت بالفشل و ياما جوازات صالونات دامت و استمرت.

بجد بطلوا تقرفوا الناس من كل حاجة ….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.