أراء وقراءات

مهما كان مجموعك صغير إفرح

بقلم أ.د. نادية حجازي نعمان

مهما كان مجموعك صغير إفرح

طلعت نتايج الثانوية العامة… فيه اللي جاب المجموع اللي كان بيحلم بيه، ومهما كان مجموعك صغير إفرح

وفيه اللي حارب و عمل كل اللي عليه و لقى نفسه جايب خمسين أو ستين في المائة.

مهما كان مجموعك صغير إفرح

مهما كان مجموعك صغير إفرح
مهما كان مجموعك صغير إفرح

نفسي أوضح لكم أحفادي طلاب الثانوية العامة : الثانوية العامة لا هي نهاية الكون ولا نهاية الدنيا …أحبائي دي البداية ياشباب…إوعى تفتكر ان اللى رمى نفسه وانتحر  قد حل المشكلة…هو  جاب لنفسه أكبر مشكلة لأن أنتم ياشباب عارفين عقوبة المنتحر .

خلينا نتكلم ببساطة : هل اللي جاب مجموع أد مجموعك مرتين  لازم يكون ذاكر اكتر منك ؟؟ خلوني أجاوب بصفتي أستاذة جامعية …الإجابة لا …لأن فيه إحتمال آخر و هو إنه غشاش ….ده إحتمال وارد فيه كتير متفوقين بمجهودهم ، لكن هذا الإحتمال الذي أطرحه عليك الآن إحتمال وارد.

انت حتبدأ تشكل مستقبلك حاول انك تعمل اللي عليك وحاول تثبت وتقف متزن.

الستين فى المائة دي مش معناها ياللا اكتئاب نفسي… أبدًا …دي ممكن تكون بداية مستقبل باهر ومليء بالأحداث السعيدة.

الناجحون في الثانوية العامة
الناجحون في الثانوية العامة

قيم نفسك صح

ما تديش لنفسك أصفار في تقييمك لذاتك ومن فضلك أرفع راسك فوق انت حاصل على الثانوية العامة …أنت بقى لك ١٢ سنة بتتعلم…أنت مكافح …أنت بخير وعليك البدء في عقد النية إن مستقبلك كله سيكون سعي بشرف وبأخلاق وبخطوات كلها ترضي الله…عدد نواياك للفترة القادمة فتعدد النيات تجارة العلماء.

خلي بالك أنت ممكن تكون أقوى من ناس جابوا ٩٠٪؜  وخلي بالك كمان إنك أحسن من كل  اللي جابوا مجاميع عالية بالغش ( و حياخدوا فرصة مش بتاعتهم) ونسوا تمامًا قول نبينا عليه الصلاة والسلام ” من غشنا فليس منا” .

سعيك وتعبك عملته…و مجموعك ده بتاع ربنا …عليكم السعي وليس عليكم أحفادي بلوغ النجاح .

خلاص…أنتم سعيتم و دي عطية ربنا لكل واحد منكم …انهض و احمد ربنا على ما أعطاك.

الثانوية العامة هي مجرد محاولة لشق الطريق ناحية مستقبلك وليست نهاية حياتك وزي ماقلت لك : أرفع راسك فوق إنت ناجح وأرجوك أفرح بنجاحك واتهنا حتلاقي الدنيا بقت جنة.

٢٠٢١/٨/٢٠

اقرأ المزيد

التعليم : إعلان نتائج الثانوية العامة ظهر الثلاثاء القادم

التعليم : نسبة النجاح في الثانوية العامة 76% علمي و70% أدبي

وضوح تنشر صور وأسماء ودرجات أوائل الثانوية العامة 2021

الثانوية العامة
الثانوية العامة

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.