مين يقول أسف لمين ؟!
بقلم / ولاء حسن
حلقة 1
مكالمة هاتفية
شهد : الو والله ف الطريق حقك عليا
ندی : مواعيدك زفت يا شهد انا غلطانة انى
استنيتك المهم سوقي براحة
شهد : حتى وانتى زعلانة منى خايفة عليا ههههه
ندی : بعصبية دانتي مستفذة وقفلت الفون
وفجأة
شهد : يا نهار أسود ومنيل . أنت أنت يا أخ والنبي
فوق الله يخليك ماتودينيش ف داهية
مجموعة من الناس
انتی ايه يا شيخة مابتشوفيش مش عارفة
تسوقي . حرام عليكى
شهد : يا جماعة والله معرفش طلعلی منین
عموما انا هأخده ع المستشفى ركبوه العربية
ف المستسفى
الدكتور : أنتى تقربيله أيه؟
شهد : بسرعة تفكير أنا بنت خالته
الدكتور : طيب هو فقدان ف الذاكرة وكسر بسيط
ف رجله اليمين
شهد : ف عقلها الله أكبر
الدكتور : انتى سمعانی
شهد : بتوتر اه اه سمعاك ممكن ادخله
الدكتور : اه طبعا اتفضلی
شهد : فتحت الباب . عامل ايه دلوقتی
الشاب : انا بخير انتی مین
شهد : بعياط وكل صراحة حكت اللي
حصل .أرجوك متودنيش ف داهية وانا هفضل
جنبك والله ما هسيبك غير لما تفتكر
الشاب : قاطع كلامها اهدى اهدى انا مش هأذیکی
بس اوعدینی تحاولی توصلی لای معلومات عنى
لانی معرفش غيرك دلوقتى
شهد : مسحت دموعها بسرعة طبعا طبعا والله ما
هسيبك ابدا كفاية انك مش هتاذيني
الشاب : كفاية انك قولتى الحقيقة ومكذبتيش عليا
شهد : طیب تیجی نخرج م المستشفى
الشاب : ع فين؟
شهد : ع بیتی م تخافش اهلی هیرحبوا بيك
الشاب : تمام
امام منزل شهد (ف عربية شهد)
شهد : معلش ثواني بس وراجعة
الشاب : تمام خدى راحتك
دخلت شهد (حكت الحكاية لأهلها )
فریال : انت مجنونة يا شهد ازای راجل غريب يعيش معانا افرضي ما افتكرش حاجة
حاتم : قاطع فريال خليه يدخل يا شهد
شهد : ربنا يخليك يا احلى أب
فریال : ازای یا حاتم توافق ع گدة
حاتم : يا فريال بدل ما يحبس بنتك نجاها نقوم ترمیه . ده غير انه ثواب لله
فریال : بقلة حيلة طيب هيقعد فين
حاتم : في اوضة شاکر
فریال : کمان اوضة ابني
حاتم : بضحك . هو هياكل منها حته وبعدين ابنك مسافرع طول اما يرجع يحلها حلال دخل الشاب
حاتم : اهلا اهلا يا ابني متشكر انك مأذتش بنتی الشاب : ع ايه كفاية انها ساعدتني كان ممکن تسبني مرمى وتجری
فریال : وصليه اوضة أخوکی یا شهد
شهد : اتفضل تعالي معايا
الشاب : مش عارف اشكرك ازای
شهد : انا اللي أشكرك المهم تكون الاوضة عجبتك الشاب : دي جميلة . طيب سؤال هو اخوکی هینام فين انا خدت اوضته
شهد : لا شاکر ع طول مسافر بیچی كل فين وفين
الشاب : شغل ولا دراسة
شهد : شغل ماسك شركة بابا هناك
الشاب : تمام ربنا يوفقه
شهد : غير هدومك براحتك وانزل عشان تتغدى معانا هنستناك
الشاب : مالوش لزوم
شهد : وبعدين معاك بقي يا…………وافتكرت فجأة انه مايعرفش حتى أسمه . انا أسفة
الشاب : ولا يهمك
شهد : بهزار جمیل وضحكتها البريئة تيجي نختار لك اسم
الشاب : اختاري انتي ع زوقك
شهد : بص انا حاسة أنك هادي ايه رأيك يبقي اسمك هادی
الشاب : والله اسم حلو خلاص انا هادی
شهد : تمام يا هادی غیر وهنستناك ع الغدا
في صباح يوم جديد ( في الجامعة )
شهد : صباح الخير يا ندى
ندى : ياااا وجاية ع نفسك ليه وافتكرتی ان لیکی صاحبة اصلا اسمها ندى
شهد : يوووووه عليكي وباستهامن خدها لو عرفتی
شهد: اللى حصل هتعذريني والله
ندى : اتفضلی اهرى وانا سمعاکی
شهد : أضحکی الاول
ندى : بلاش استفزاز
شهد : مش انا كنت هتحبس وهتجبیلی عیش وحلاوة
ندی : ازای ؟
شهد : تعالي احكيلك في الكافتيريا وتشرب حاجة
ندى : يااا كل ده حصل
شهد : أيوة
ندى : طيب وانتى هتدوری ع معلومات عنه فين
شهد : مش عارفة
ندی : طيب ماتشوفي خبطيه فين وابدأي من هناك اسألی
شهد : اسأل اقول ايه هو انا اعرف اسمه
ندی : بسيطة صوريه واسألي بصورته
شهد : بنت الايه مجتش في دماغی
ندی : ادعيلي بقي
شهد : يارب يا عدي تحس بحب ندي ليك يارب
ندى : بدموع ليه كدة يا شهد فكرتيني
شهد : انا اسفة انا كان قصدي اهزر حقك عليا
ندی : انا اصلا بحاول أنساه
شهد : طيب ما تلمحيله احسن ما تنسي
ندى : بقولك علي طول مسافر بسبب شغله هو انا بشوفه
شهد : ازای انتي مش قولتيلي انه ابن خالتك
ندى : ايوة بس شغله بيخليه مش موجود خالص
شهد : انتي قولتيلي بيشتغل ايه
ندى : ظابط
شهد : اه تلاقيه بايخ وتنح
ندی : اخص علیکی وبسرحان ده عدى قمر وعسل
شهد : خبطتها علي كتفها يلا يا اختي نشوف دراستنا
ندی : بايخة فوقتینی
بعد مرور أسبوعين في منزل
شهد شاكر : امي حبيبة قلبي
فریال : حضنت ابنها نور عيني وروح قلبي وحشتني اوي كدة يا شاكر كل ده
شاكر : والله كان عندي شغل كتير متأخر
فریال : تمام اتفضل غير هدومك . بابا وشهد ع وصول نتغدى كلنا سوا
شاكر : تمام
في اوضة شاکر
شاكر : أنت مين ؟ وبتعمل أيه في أوضتی؟!
الي اللقاء في الحلقة القادمة….
