الاسرة والطفل

نصايح بسيطه هتساعدك في أهتمامك بالبيت

كتبت ياسمين يحيى

_ لو لبس أطفالك مليان بقع حطي وإنتي بتغسليه 2 معلقه ملح الليمون و 2 معلقه بي كربونات وهيبقي عسل 

_ إهتمي بجمال مطبخك لو الكبه أو الخلاط أو العجان مليان زيوت هاتي بخاخه فيها ميه وحطي فيها معلقيتن كبار ملح الليمون وحطي علي فوطه مبلوله و سبيهم 10 دقائق وبعدين إمسحي بليفه وهتبقي شمعه منوره
_ متنسيش كل اسبوع تنظفي التلاجه من أي حاجه ملهاش لازمه وتحطي فحمايه في طبق علشان تسحب الروايح
_ بانيو الحمام والحوض مجيرين هقولك علي حل يا قلبي هاتي فوطه قديمه وحطي شويه سائل صابون مع شوية خل حلوين وإمسحي الحوض و البانيو و شوفي اللمعان هيبقي عسل بس واشطفيه كويس
_ متنسيش بعد كل عشا تنظفي بوتجازك علشان متتراكمش عليه الدهون وبيبقي مش حلو ولو اتراكمت حطي خل و بي كربوناتو وسبيه 5 دقائق وهتشوفي اللمعان
_ لو عندك هدوم بتبهت حطيها في طبق مع شويه خل لمده ساعه علشان اللون يثبت
_ إفتحي كل الشبابيك كل يومين جددي الاكسجين حتا لو الجو برد
_ لو إبنك مغلبك في المذاكره بلاش إسلوب الضرب إبعدي عنو خالص إنتي ام يعني الحنيه كلها فيكي و خديه براحه وهيفهم
_ لو بيبان الأوض مش نظيفه حطي معلقه إريال في بخاخه و معلقه ملح ليمون و معلقه معطر علشان الريحه ورشي وسبيه شويه وإمسحي بفوطه هيبقي عسل
لو جوزك جابلك فراخ أو لحمة متحطهاش فى الفريزر علطول لا نظفيها وتبليها وشيليها جاهزة هيبقى عسل
الخضار بردوا جهزيه واحفظيه فى أكياس فى الفريزر
أما تعصرى مثلا طماطم او مبشور بصل او فرم توم او سلق بقول زودى الكمية وشيلى الباقى .
حتى المحشى إسلقى الكرنبة وإحفظيها والخلطة برده جهزيها من غير الرز طبعا وشيليها فى الفريزر ولو كان عندك خضرة وخايفة عليها تدبل قطعيها وحطيها في مكعبات الثلج وتلجيها هتعيش معاكي فتره طويله

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى