هتطبخى ايه النهارده..مكدوس الليمون

كتبت / عزه السيد
الكيلو منه دلوقتي ب ٥ جنيه
حطيت الليمون فى الكبة كانت فين الطريقة السهلة دى من زمان
هتعمل مخلل الليمون الاضاليا والطريقة دى تنفع مع الليمون البلدى بردوا ولكن بما ان الليمون الاضاليا أرخص هنستخدمه
٢ كيلو ليمون اضاليا هنغسله ونسلقه نص سلقه ونغير عليه الميه ٤او خمس مرات في اليوم لمدة يومين عشان المرارة وبعد كده هنقسمه نصين ونطلع منه البذور ونقطعه ونحطه فى الكبة يتفرم نص فرمه وممكن نقطعه صغير بالسكي…نة
فى الكبة هنحط ربع كيلو فلفل أحمر بارد على حار حسب الرغبة ورأس ثوم وملح خشن وكمون ونفرمهم خشن بردوا زى الليمون هنضيف معلقتين حبة البركة ومعلقتين عصفر وربع كوب زيت ومعلقتين خل ونخلطهم مع الليمون
هنحطهم فى برطمانات ونحط على الوش زيت ممكن تاكلى منه تانى يوم بيبقى زى الزبدة وجميل جدا فى بعض البلاد بيسموه مكدوس الليمون بصراحة سريع وكمان فرصة اللى ملحقش يخلل ليمون لرمضان ودلوقتي الليمون البلدى غالى يستخدم الليمون الاضاليا أرخص وكده كده هو ده الليمون اللى بيستخدموه معندهمش البلدى.