احدث الاخبار

وزير التعليم يعترف : الثانوية العامة هي اللي ضيعتنا

كتبت / عزه السيد

شارك  الدكتور طارق شوقي، وزير التربية والتعليم اليوم الاثنين 11 يونيو 2018  في إفتتاح مؤتمر إطلاق مبادرة صناع مصر للنهوض بالتعليم الفني تحت شعار: “اتقدم..اتعلم..اشتغل”، بأحد فنادق القاهرة.  وقال في كلمته أن كثيرًا من المصريين يجرون ورا نص وربع درجة، لأن أهم حاجة عندهم الشهادة  والمكانة اجتماعية  ومش مهم المهارة.

وأضاف شوقى :​إنه لابد من غربلة المفاهيم الخاصة بالتعليم لدى كثير من المصريين، مؤكدا أن مصر لا تحتمل المزيد من الشهادات بلا مهارات،  وأن مصلحة مصر لم تعد تتفق مع تلك الأفكار: “هنفضل نحارب الأفكار دي، الغش ظاهرة محتاجة وقفة والدروس الخصوصية فلوسها بتروح في البلاعة، وده إهدار للمال العام”.

وتابع الوزير: “الناس عرفت أول نظام التعليم  وآخره، وعرفوا ازاي يجيبوا درجات وياخدوا شهادات، وبقى عندهم عادي ولادهم يغشوا طالما هيجيبوا مجموع، الثانوية العامة هي اللي ضيعتنا”.

وأكد الوزير أنه في نظام التعليم  الجديد ونظام الثانوية المعدل لن يحصل كل طالب إلا على ما يستحقه: “الدرجات مش هتبقى بالزوفة، واللي يستاهل 60% هياخد 60 مش 90، واللي مش هيفهم مش هينجح واللي مش هيعرف يقرأ ويكتب مش هيوصل للإعدادية، زمان الابتدائية في مصر كانت شهادة راقية دلوقتي تعليمنا كله بقى كده وكده”.

وتابع شوقي: “الناس بتقول لا للثانوية التراكمية، طب نعمل شهادة بلا معنى مثلا؟، هو ده اللي انتوا عايزينه؟ لو الشهادة مش هتنافس عالميا ماتهمنيش، لو كل طالب مش هيتفوق في اللي هو ماهر فيه يبقى الشهادة مالهاش لازمة، التفوق انك بتحب الجيتار فتبقى عازف ماهر، مش شرط تدخل طب وهندسة، مين طلع مصطلح قمة وقع، القمة إنك تكون شاطر في الحاجة اللي بتحبها أيا كانت”.

واستطرد: “امتحانات الثانوية اللي شغالة محتاجة وقفة كل شوية نمسك طلبة بيتفننوا قي الغش، وطلبة بيشكرونا لما بنجيبلهم الامتحان اللي حافظينه ومتدربين عليه، طالب كتبلي رسالة بيقولي نص درجة لله يامعالي الوزير، بطني وجعتني، وده هيكون عنوان الكتاب اللي هكتبه بعد ماأسيب الوزارة لأنه بيشرح حقيقة الكارثة اللي عندنا”.

وطالب الوزير الأهالي بإعادة النظر في الأفكار الموروثة ومساعدة الدولة لتأهيل الطلاب وإنقاذ الأجيال القادمة

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق