صحافة المواطن

ياأكتر شط غنوا له

ياأكتر شط غنوا له

ياأكتر مكان جُوله

حيعرفوا اسمك من غير ماأقوله

ياعشق قلبى الشط بطوله

يامه قالوا فى مدينتك …وياعروسة بينادوها

ياخوفي عليها…. من كلامهم ليحسدوها

عايشين إحنا فى حضنها وهم مش بيشوفوها

علينا حيستكتروها

الدنيا فيها متحلية .. وليالي مايحلموها

بنعيشها إحنا علي شطّ اسكندرية

اللي غنوا لها وقالوا.. أحلى مدينة ديا

الرملزعفراني ..و الشط كهرماني

عاشقاك يا اسكندرية

ياأم الطلعة البهية

عاشقاك شط وماية

وأماكن ذكريات مابتتنسيش ليا

عاشقة جمالك وأسيب الدنيا علشانك

وإن سألوني أحلى مكان حأوصف مكانك

وشطك وبحرك اللي هم كياني و كيانك

قالوا ألاقيزيك ………قلت إستحالة

بأحب قربك وعاجبني بحرك على أي حالة

وعشقت موجه هادي وعالي بيبعت رسالة

يلامس الشط  يهمس له قل لي روح وتعالى

 

أ.د. نادية حجازي نعمان

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.

إغلاق