أراء وقراءاتالرياضة
أمة واحدة
شعر/ د. أمين رمضان
بمناسبة فوز المغرب على البرتغال وتأهلها للدور نصف النهائي لكأس العالم 2022 في قطر وخروج الجماهير العربية في فرحة غامرة، نقول :
يا فرحة غايبه
عن قلوبنا من سنين
كورة واحدة
فجرت فينا الحنين
إحنا أمه ليها دين
في المساجد
في المعابد
حتى فوق
أرض الأمل ساجدين
بكره بيدق البيبان
لجل يفتح ألف باب
ويهرب السجان
والهوا يصبح أمان
ينتهي الوهم اللي عشش
في الوطن
ويخَضَر البستان
أجيال ورا أجيال
تحضن وطنها ف قلبها
وبعقلها تبني المحال
الفرحة دي بداية
لإرادة الأبطال
تحيي الوطن تاني
بزفة وأغاني
من كل لون موال
علوا وعلوا الصوت
عمر الأمل ما يموت
——————–
11 ديسمبر 2023
فرحة كبيرة وسعادة لينا كل العرب
موجود يا ناس عندنا كل الأمل
موجود آيات ربنا وسنة المصطفى
موجود تراث السلف جواهر بكل الشرف
موجود رحلة مخصوصة للنبي يا عرب
فيها شاف آيات ربنا من ارضنا للسما
وشاف من الملكوت ما لم يشوفه احد
رحلة عظيمة كفاية بيها نفتخر
عايزين نقول للبشر الخير كتير عندنا
في الكورة والعلم والأمل كتير عندنا
عايزين ندوس الزرار عشان ننطلق
نطلع لفوق يا بشر كما نبينا طلع
ما اسمعش حد يقول ده بعيد عننا
المغرب يا ناس مننا
وعملوها النهاردة لنا
وبكرة بعون ربنا
نصحى ونقوم كلنا
يا رب