أراء وقراءات
أمطار ودموع إسكندرية
كلمات / أ.د.نادية حجازي نعمان
دموعك غالية يا سما إسكندرية
دي مش دموع .. دي جروح قوية
اللي عمل كده فيكِ مايعرف الحنية
حآخدك ف حضني وأمسح دموعك ديه
مطرك نازل من تلاتة الفجرية
مين مزعلك يا إسكندرية ؟؟
ممكن مصر كلها تبكي وتغرق
ده إنت أكبر مدنها الساحلية
وفيكِ عجيبة من عجايب الدنيا
مصر حتغرق م البكا وأسألِ المنوفية
أصلك مش أي أي ولا زي زي
مش أى سما ولا أى أرض هيه
بلدي إسكندرية
هيه غير كل الدنيا ديه
يا سمانا جففى مطرك و دموعك
من على خدودك الوردية
عشان خاطرهم من أسوان للشرقية
وكفاكِ يا سمانا يانور عينيا
نهارنا طلع فين شمسك الدهبية
الجمعة 5 فبراير 2021
