الفن والثقافة
أمل في بُكْره
شعر / الدكتور أمين رمضان
كل الكلام
إللي كان
مكتوب على جبين القمر
نزل دموع
زي المطر
يمكن يلاقي قلوب
نبضها
نبض البشر
عايشه في الكون الحزين
كف القدر
ترسم على جبين السنين
بسمة لبُكْره
إللي اختفى جوا العيون
تحت الدمار
زي أوراق الشجر
لما الخريف
يخطفها من حضن الغصون
وتموت حزينة
جوه أحضان الدمار
لما القنابل تنفجر
تحضن الأرض اللي عاشت عمرها
ترويها بالدم
وأنهار العرق
نعم حزينة
لكنها
شايله في عروقها الأمل
أمل في بُكْره المنتظر
———————
17 أبريل 2025
