مين هوه أبن الأصول ؟
أبن الأصول إللي
* عمره ما ينكر فضل حد بعد فضل ربنا عليه أو ينساه ..
* بيفضل باقي على العشرة لحد آخر لحظة وبيعمل كل اللي عليه وزيادة ..
* مبيردش الأذي بالأذي ..
* وقت الشدة لو احتجته لازم هتلاقيه وممكن من غير ما تطلب
* بيساعد الكل من غير اي مصلحه تعود عليه ..
* ابن الأصول كرامته عنده رقم 1 ومستحيل هيقبل اي إهانة .. ونفسه عزيزة عليه فوق ما خيالك ممكن يوديك ..
* أبن الأصول بيعرف يعتذر .. لو غلطان مش بيستكبر .. يقول انا آسف وغلطت فعلاً وغلطه مبيكرروش ..
* أبن الأصول ضميره من جواه ييتحكم فيه ومبيسلمش ودانه لحد ..
* أبن الأصول صاحب صاحبه جدا .. مستحيل يبيع صاحبه علشان مصلحته ..
* أبن الأصول حد جدع بالفطرة.. الطيبة ملازماه ..
* أبن الأصول ملوش في الحوارات بيقولك في وشك اللي هو عايزه .. وأيه اللي ينفع وأيه اللي مينفعش .. اللف والدوران مش سكته ..
* أبن الأصول لو اتظلم عمره ما يظلم .. بيسيب ربنا يجيبله حقه ..
* أبن الأصول يصفي بسرعه لو لقاك شاري .. وينسي بسرعة لو لقاك بايع ..
* أبن الأصول يحب الخير لغيره حتي لو مش هيطول من الخير دة حاجة .. ويفرحلك من قلبه بجد ..
* أبن الأصول عينه شبعانه عمره ما يبص في رزق غيره ولا يبص في حياة غيره ..
* أبن الأصول بيقدر ويحترم أبسط واقل حاجة حلوة بتعملها معاه ..
* أبن الأصول مبيعرفش يخون ولا يجرح ولا يستغل فرص ولا يستغل حد ..
* أبن الأصول ميعديش عليه واجب .. ويديلك حقك من غير ما تطلبه ..
* أبن الأصول مستحيل يعايرك باللي عمله معاك في يوم .. بيسيبك لوحدك تعرف الفرق بينه وبين غيره ..
*أبن الأصول اللي بيعمل الأصول .
من قراءت أ.د.نادية حجازي نعمان