الفن والثقافة
إسكندرية بعد رفع الحظر
أ.د. نادية حجازي نعمان
الخميس 1 / يوليو / 2020
رفعوا حظرك ياإسكندرية
بعد يوم وإتنين وكام مِية
كان الخبر ع السكندري مميت
لما قالوا تقعدوا ف البيت
حظر أكتر من أربع شهور
بعدوا عن شطهم
والجناين والزهور
حيرهم كورونا
وطير منهم النوم
ماتقسوش عليهم
وبلاش النقد واللوم
جابوا آخرهم
وشالوا الهموم
السواحلي آخد
ع الطيران والعوم
جابوا آخرهم
ف الحبسة من جرثوم
أظنهم حيضربوه
بالكرابيج والشوم
وحشهم شطهم ورمله
سيبهم يتصوروا
ويملوا الألبوم
ويطيروا طيارتهم
ف السما بين النجوم
وإدعولهم إن
رفع الحظر يدوم
