أراء وقراءات

حكايات شهر زاد الحالمة ….إقرضنى شكرآ

كتب احمد إبراهيم

بلغنى ايها الملك السعيد
ذو الرأى الرشيد
ان مصر الدوله الحبيبه
جت رجلها فى حتة مصيبه
بعد ما كانت ام الارض
حطو شروط وجابولها قرض
بس ضروري ننفذ الشروط
والا اقتصادنا بجيله هبوط
وقالو ضروري ولابد ومهم
تخف الدوله شويه الدعم
وجات دفعه أولى وراحت يا بيه
وارجوك اوعى تسأل عملو فيها ايه
ده هم يدوبك كده كام جنيه
واوعى تقول اسعار غاليه نار
دى طبعا اشاعه وحبة هزار
ومع أننا لسه بنقبض يا واد
تخيل هنعمل ايه فى فترة السداد
وجاوب ع السؤال مصدر مسئول
وضحك وتنحنح وهو يقول
معلش شويه والهم يزول
ونفرح كلنا ونكيد العزول
وهنا ادركت شهرزاد الصباح
فسكتت عن الكلام المباح
وراحت على إدارة الجوازات
تجدد باسبورها وتاخد اذونات
بمغادرة جمهورية مصر العربيه
والعمل فى دولة السعوديه
والى اللقاء فى حلقه قادمه

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.