الاسرة والطفل

ازاي أعلم بنتى النظافةالشخصية

كتبت / عزه السيد

 

 

1-تلبس الشراب مره واحدة بس

 

2-تغسل رجيلها بعد ما تقلع جزمتها

 

3-الاندروير يتغير كل يوم وبعد كل خروجه فيها حركه كتير

 

4-تغير الاندر وقت البريود مرتين في اليوم واندرويرات البريود ماتتحطش في الغسيل تتنقع وتتغسل لوحدها

 

5-الهدوم الداخلية عموما تتغسل لوحدها علي درجه حراره عاليه يا تتنقع لوحدها بشويه مسحوق قبل ما تتحط في الغسيل

 

6-تستخدم المناديل وتنشف بعد الحمام وماتنسيش تحطلها باسكت في الحمام

 

8- علميها ماتسيبش أي أثر وراها علي التواليت تمسح بفوطة فيها كلور او ديتول او كحول او واي. حاجه مطهره وتشد السفون وتغسل ايديها

 

9- تغسل اندر أرم وتتخلص من العرق أول بأول

 

11-الشعر اللي بيقع في المشط بعد ما تسرح مايتسابش ومايترميش في اي حته يتجمع في كيس ويترمي في الباسكت

 

12-تغسل أسنانها قبل ما تنام واول ما تصحى من النوم وبعد ما تاكل اي اكله خاصة اذا كان فيها بصل او توم

 

13-تستحمي لما تلاقي نفسها عرقانه مش تفتح التكيف او تحط اسبراي

 

14-هدومها العرقانه تقلعها وتحطها في الغسيل مش تسيبها تنشف وتعلقها وتلبسها تاني يوم

 

15-ضوافر ايدها ورجلها علي طول مقصوصه ونضيفه

 

16-كعب رجلها يتحك بمبرد او حجر رجل مع كل دش

 

17-تحافظ علي ريحه شعرها حلوه الشعر التقيل والطويل لما يتغسل ويتلم ويتعمل كحكه ويتحط عليه طرحه بيكمكم والتوكه القماش بتعمل ريحه وحشه للشعر يتعمل ديل حصان او يتساب لحد ما ينشف او يتنشف بالسيشوار من بعيد… الزيوت في الشعر بتعمل ريحه وتتغسل بعد ما تتحط للتقويه بس

 

18-الحبوب اللي في وشها عايزه نظافه واهتمام

 

19-تغسل ايدها قبل ما تلمس اي اكل وبعد ما تاكل اي حاجه بايدها ..

 

(وأخيراً)

 

… علميها وفهميها كل دا عشان جوزها في يوم من الأيام يدعيلك مايدعيش عليكي …….. عشان ماحدش يتعامل معاها ويقرف منها …… عشان ولادها يطلعوا نضاف زيها عشان النظافه من الايمان

 

المستوي_الراقي تربيه نظيفه قبل ما يكون تعليم في مدارس اجنبيه

 

…… الست_الراقيه… راقيه في نفسها مش في وظيفه مالتي انترناشونال ولا لبس ومجوهرات . الهاي كلاس اسلوب حياه مش براندات واوبن داي وعربيات وموبيلات اخر موديل

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.