اسكندرية:القطر أسرع مواصلة فيك.

كتبت / شيماء جوهر

اكتشفت شيماء مؤخرًا أن القطر اسرع وسيلة مواصلات وتعلن بكل جرأة أنه يمكن أن يكون أسرع م المشروع نفسه فى اسكندرية.

بتقول شيماء انها جربت تروح لصاحبتها او تروح م الشغل ع البيت و تحسب الزمن بالظبط …بمقارنة الزمن مع زمن المواصلات الأخرى …طلعت بإيه شيماء ؟!
بدأت تسرد مميزات القطر:
القطر تظبط ميعادك عليه بالدقيقة .
مسافة محطتين بتستغرق 4 دقايق بالظبط .
ما بيغيبش اوي الفترة بين القطر والتاني يعني أقصى حاجة بتكون عشر دقايق ولما يتأخر اوي ربع ساعة.

ع سبيل المثال كنت في محطة السوق وصلت المحطة 8:40
4 دقايق بالظبط قطعت تذكرة وصل 8:44
بعدها بمحطتين رمل الميري وصل 8:48 .. 4 دقايق بالثانية
أتأخر حبة من الميري لسيدي بشر 8:55
يعني وصلت البيت في 10 دقايق بس

المشوار اللي باخده في ساعة الا ربع و الا نص ساعة ف المشروع .. اخد مني 10 دقايق في القطر .. وفر جهد ووقت وفلوس مواصلات تكفي لمواصلتين .

اكتشفت مؤخرا ان القطر لذيذ وبيوفر ف الوقت لو مستعجل وطريق البحر واقف معاك ….ع طول نط ف القطر .. بينجز جدا
بس نصيحة استنضف العربية اللي هتركبها هتركب مرتاح.

٢٠٢١/١١/١٣