أراء وقراءات

اسمعى كلامى وخليكى كده

كتبت / عزه السيد

 

متبقيش انتى الجامدة طول الوقت والعامود اللى الكل مسنود عليه ..

ماتبقيش انتي النجار والكهربائى والسباك واخر واحدة تاكل واخر واحدة تشرب واخر واحدة تفكر تجيب لنفسها لبس ولا حاجة جديدة او تفكر حتى تاخد “بريك” تريح نفسها أو تبص لنفسها ف المراية وتهتم عشانها وعشان نفسيتها مش عشان حد ..

متكتميش جواكى التعب والوجع والعيا وخدى الوقت اللى يكفيكى للراحة عشان تعرفى تكملى ..

ولا داعى للفشخرة بدعك الطاسة لمدة ٣ ساعات عشان ترجع بتبرق “ارميها واشترى جديد” واقعدى ال ٣ ساعات دول ف اللالاند بلا أى هدف بصى ف السقف واستمتعى بالفضا “صحتك بالدنيا”

ومتفتكريش انك بتضحى عشان حد عشان أول ما هيتقالك “محدش قالك ضحى” هتكتشفى انك ضحيتى بنفسك ع الفاضى .. وعمرك هيتسرق من غير ماتحسي وتعجزي قبل الاوان ..

اياكى اياكى اياكى تنسي نفسك وتيجى عليها بزيادة لأنك هتتنسي وهتبقى أى حاجة أكبر من طاقتك فرض وواجب عليكى وافتكرى اللى بيهون عليه نفسه بيهون على أى حد ..

الحياة بتتعاش مرة واحدة

اسمعى كلامى ومش هتندمى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.