اعرفي أنواع اللحوم عشان ماحدش يغشك وإنتي بتشتري
كتبت / عزه السيد
اعرفي أنواع اللحوم عشان ماحدش يغشك وإنتي بتشتري
عشان محدش يغشك وانتي بتشتري اللحمه لازم تعرفي كل انواع اللحوم
اللحم البتلو
دي بقى بتكون عجول صغيره لون لحمها فاتح ودهون قليله
اللحمه الكندوز
بتكون بقر او جاموس لون لحمها احمر هشرح القطع وطريقه طهيها
لحم الرقبه
لحمه خشنه فيها انسجه ودهون افضل حاجه ليها السلق
تعمل شوربه تحفه
وخلف الرقبه في قطعه مميزه جدا بتكون اسمها العنتره
من افضل القطع اللي بعشقها انا شخصيا
الريش ضلوع الضاني او العجل
الملمس طريه جدا ومليانه دهون تستخدم في مشاوي وشوايه وفرن
عرق التربيانكو
يكون وش الفخده الخلفي ملمسه ناعم متساوي يستخدم في الروستو والبفتيك و الشاورما يعني الدلع كله
لحم الموزه
الاماميه او الخلفيه
الملمس بتكون ناعمه جدا وفيها جيلاتين طبيعي بتكون تحفه مع الفته والطواجن والشوربه بتكون حكايه
بيت الكلاوي
وش الفخده من جوه الملمس بيكون ناعم جدا بيستخدم طبعا في الكفته وكباب الحله او محمره بتكون بجد ناعمه ورهيبه
وش الفخده (السمانه )
الملمس بتاعها ناعم نسبيا بتستخدم في الطواجن وجميله طبعا في اللحمه المسلوقه
عرق الفليتو
دي بقى من احلى اللحوم في العزومات علشان بتكون طريه جدا وينفع تتعمل صواني او مشويه بالصوصات
الكتف وهو الزند
الملمس انسجته متماسكه يستخدم في كباب الحله والخضار والمفروم
الدوش
الكتف الملمس ناعم ويستخدم في البفتيك وفي الخضار
طبعا اللحمه الضاني من اجمل اللحوم بس ليها ناسها مش اي حد بيحبها وكل قطعه فيها بتكون جميله جدا انا عن نفسي من عشاقها.
