افهمونا صح

بقلم / أمل الوكيل

مش كل الناس هتتفهم معاملتك الحسنة صح ، فيه منهم هيفهما انك مدلوق عليهم ..

مش كل الناس هتفهم انك باقي عليهم صح ، فيه ناس هتفهم انك محتاج لهم ..

مش كل الناس هتفهم انك فاكر لهم خير عملوه معاك ، فيه ناس هتتنطط عليك وتحسسك انهم زهقنين منك ..

مش كل الناس هتقدر تفهم انك لا تنكر العشرة حتى لو فيه خلافات ، فيه منهم هيفهموا انك ضعيف وموقفك ضعيف …

ومش أي شخص بيقدر يحافظ على مقدار الذوق والاحترام المتبادل حتى في النهايات ، لكن ده ميخلكش تندم ابدا انك بتتعامل بمبادئك واصولك حتى لو في المقابل اللي قدامك مش قادر يفهم ده …

لكن لا اعتقد ان فيه شخص ممكن يستحمل كل الفهم الغلط ده وبيجي وقت وبيقفل خالص ووقتها اعتقد لا يجود مجال لتقبل اي تعامل تاني … ولا ارى عليه من لوم