اقبل أمك زى ما هى

كتبت / عزه السيد

_اوع توقف تحاسبها انت قولتى كذا ولا عملتى كذا

الام ما تتحاسبش ولا تتعاقب ولا تحسسها بالذنب

ماتحاولش تغيرها ولا تعدلها ؛؛؛؛

انت ما شفتش هى عاشت قبلك ازاى ولا حصل معاها ايه عشان انت توصل للمرحلة دى

_ارحموا امهاتكم من السخرية منهن

ومن الزهق منهن ،،أو الإحساس بالضجر

هى مرت بمراحل كتير وابتلاءات كتير وهموم كتير عشان توصل انك تبقي راجل وانتي تبقي ست البنات

_اوع تفكر تحاسبها على تصرفاتها معاك زمان هى دى طاقتها وقتها تعمل ايه معاك وتربيك ازاى .

_ماتبخلش عليها باهتمامك ولا بمالك حتي لو هي مش محتاجه ولا تستكتر عليها فلوسها .

_لو تعبانه اجري بيها وعالجها هي اللي مكانتش بتقبل عليك تمرض ساعه وبتسهر جنبك

_اوعي تخلي مراتك او جوزك او عيالكم او شغلكم أولوياتك عنها

بلاش تلغوا الام فى كل امور حياتكم عشان للاسف هتجنوا ثمرة الإلغاء ده ،،،

دائن___تدان

” اكرم اباك وامك لكى تطول ايام حياتك ”