بقلم .ا.د/ نادية حجازى نعمان
كله جرى وكله راح
مابقاش غير ألم الجراح
ماعادش بيساعني البراح
ولا عادش تسعدني أفراح
رحتي فين وسيبتيني لدنيتي
كنتي شايلة مسئوليتي
إتحرمت من أغلى حضن ياجنتي
ياللي كنتي الدنيا وكمان آخرتي
حبيتي وإديتي ولا من حاجة حرمتيني
فتحت عيني لاقيتك كل الدنيا يانور عيني
وبكل تفاني عطيتي وياريتني إديتك عيني
ماكنتش حاسس بعطا غيرك
عطائك كان مغطيني
فى كل ألامى مرضتيني
وفى كل البكا شيلتيني
وبكل الحب حضنتيني
ينبوع حنان حسستينى
وفجأة ودعتيني
لا تقدري بتمن
ولن يكررك الزمن