بقلم ا. د/نادية حجازي نعمان
حزن مش بالإيد
ولايضيعه تنهيد
ولا مجي العيد
حزن من أيام بعيد
الكل مر بيه أكيد
السنين أحلام بنطاردها
نجري وراها مش بنلاحقها
نقول نشيل الحزن ونعيشها
بس يظهر مش محتمَل
والباقي سراب أمل
محاط كمان بالملل
أحلامنا فوق الجبل
وإحنا ف السفح بنشتعل
يمكن بكرة الحزن يرتحل
لما يقابل السعادة ويتقتل
أو ياخد جنب ويعتزل
وننسى الكرب والزعل
آدينا عايشين بالأمل