الخير دائم ليوم الدين

كتبت شيماء عطا

أحد فاعلي الخير في حي الشرابية قام بعمل مطعم خيري يقدم وجبة يومية لأكثر من 1000 مواطن، المطعم مخصص للفقراء والمحتاجين وللأسر التي تعاني من ضيق المعيشة وارتفاع الأسعار والتي يقل دخلهم عن 500 جنيه، المطعم خفف عن ناس كتير المعاناة ومنعهم من التسول والحاجة ومد الإيد، المطعم بيفتح ثلاث ساعات يوميا من بعد صلاة الظهر إلى صلاه العصر على مدار الأسبوع، لتقديم الوجبات لجميع الأسر المحتاجة.
المطعم بيقدم وجبة متكاملة خضار وفاكهة ولحوم والشخص بيأكل مرة وأثنين لحد ما يشبع، ناس كتير حاليا في كل مكان محتاجة لهذا المطعم وفي كل مدينة وكل قرية وكل حي فيه ناس أغنياء ربنا وسع عليهم يقدروا يعملوا نفس الفكره
، الفكرة ممتازه وأجرها كبير وإنسانيتها أكبر لو قدرنا نعمم هذه الفكره مش هنلاقي حد بيتسول أو بيضحي بأغلى ما يملك عشان يأكل أو يشرب . (لقمة في بطن جائع خير من بناء جامع)