المجتمع
الرجل الخائن من منظور حواء
كتبت: ياسمين يحي
الكلام ليكي ياحواء -مفيش راجل خاين بيقعد يفتكر زكريات الست اللي حبها ياعيني ويقعد يبكي زي منتي بتعملي ولا بيفتكر اللي كانت بتعمله علشانه ولا بيفتكر سنين وجعها وحزنها عليه ولا بياخد وقت في الحزن نهائي أهم حاجه راحته وسعادته و متعته ياأمورة –
الرجل الخائن مدة حزنه صغيرة اوي وسهل اووووي في لحظة بعد الفركشة في العلاقة يعرف و يتجوز غيرك بمنتهي السهولة ويحبها ويكون سعيد معاها اوي لأن سيكولوجيه عقله في الحب غيرك تماما اهم حاجه انه يكون مبسوط وبس ومرتاح ومش هيقعد يفتكر لون عيونك . ،
مبيضعيش عرسان زيك ولا بيقعد في البيت ويجيلو أكتئاب ولا بيقعد ياكل ويتخن ويعيط ولا ياحرام بينام معيط وقايم تحت عنيه هالات سودا ولا بيتسد نفسه ولا بيبعد عن صحابه ولا بيحبس نفسه في البيت علشان ياحرام حزين علشانك،
متحزنيش علي رجل خائن لما تسيبيه لأنك زي ما انتي شايفة اهو مش بياخدو وقت ..هيسيبك عادي يعني وهيجري علي اي واحده تانية تسعده وتحققله اللي هو عاوزو واللي هو محتاجه بمنتهي الليونة – بيفكرو في الحب بمتعتهم وسعادتهم وراحتهم مش بمشاعرهم زيك .،
مش هيركز هو في مشاعرك عاملة ازاي والا الكلام العاطفي ده لان العاطفيه عندهم مش موجودة زيك او مش بنفس النسبة بتاعتك نهائي . أتعلمي بقي ،
الفراق عادي وسهل ومتاخدوش علي قلبك اوي يعني وانك لما تفركشي العلاقة افتحي الباب تاني لأي شخص جميل غيره ،متاخديش وقت في الحزن ،
..كبيرك أسبوع ياحلوة وأقلبي – عيشي حياتك واستمتعي وانبسطي ومتخليش راجل سبب لحزنك وحققي أحلامك وسعادتك اللي بتتمنيها ،
عادي يعني واحد مشي التاني مستنيكي ..التاني مش عجبك عادي التالت هيعجبك . ، الفراق عادي خديه بسهولة كده زي اي حاجه بتتكسر او بتموت وانبسطي انتي كمان و فوقي لنفسك انتي تستاهلي السعاده.
