الرحيل..

بقلم. ا. د/نادية حجازي نعمان

وحشتونا ووحشتنا أيامكم
سيبتونا وعلى فين رحتم
وحشتونا ووحشنا كلامكم
إيه سبب صمت أقلامكم
ياريت تقولوا لنا مكانكم
وحشتنا قعدتكم
وحشتنا أصواتكم
لو قلتوا ليه رحتم
وإيه اللى سكتكم
نيجي عندكم مهما بعدتم
هل جنبنا وألا سافرتم؟
قولوا لنا أراضيكم
وفين مراسيكم
على طول حنجيكم
مهما طال السفر نسافر لعنديكم
قولوا لنا عنوانكم
ندور عليه وعليكم
حنوصل أكيد ليكم
بس إنتوا عايشين؟؟
وألا التراب مواريكم ؟