السماح يا نفسي

بقلم / أ.د. نادية حجازي نعمان

لو حققت حاجة حلوة كان نفسك فيها ولاقيت العالم كله خذلك ومش عايز يبارك لك ولا يفرح معاك ….إفرح مع نفسك …ماتستناش حاجة من حد …إعزم نفسك وافرح معاها فى مكان بتحبه…طبطب على نفسك وعرفها إنك مش حتستنى حد يطبطب لأن سعادتك عندك بالدنيا وعرفها إنك تقدر تسعد نفسك .

من وقت للتاني أقعد مع نفسك لوحدكم وماتسمحش لحد يدخل عليك وإنت قاعد مع نفسك …غمض عينك وإدي نفسك الإحساس بالحب والأمان والراحة واسأل نفسك إنت عايزة إيه حتلاقي إجابات باللي ناقصك حتطلع من اللاوعي وحتعرفوا إيه اللي ناقصها منكم المفروض تدوه لها . نعتذر لنفسنا ونطلب منها السماح على كل مرة ظلمناها وجينا عليها .

23 /10 /2020