الشباب وأزمة الوطن
كتب الاستاذ عادل نور الدين في صفحتة على موقع الفيس بوك ” يقول :
الخلاصة ….
الجيل ده اللى نشأ على أغنية (مفيش صاحب بيتصاحب ومفيش راجل بقى راجل)
الجيل ده نشأ على فيلم بيتقال فيه علناً كده بين اتنين ستات (مالك يامره لو تعبانه خديلك نص احمر)
الجيل ده نشأ على (اعلان بيتعرض فى نص الفيلم ع التلفزيون عن تطويل وتكبير وتضخيم)
الجيل ده نشأ على مسلسلات بتتعرض في نهار رمضان فيها (رقص ومخدرات وخمره ودعاره)
الجيل ده نشأ وقدوته (إبراهيم الابيض وعبده موته والالمانى)
الجيل ده نشأ على برنامج (المذيع طلع ع الهواء يجرب سويت على شعر رجله)
الجيل ده نشأ على احتفال فيه (محافظ بيكرم رقاصه)
الجيل ده نشأ على (برامج بتستضيف شوية عيال متسولين عملوا مهرجان شعبى منحط فى الوقت اللى حملة الماجستير يلهثون لا احد يسمع لهم)
الجيل ده نشأ على (مجلس شعب متقدم فيه سما المصري وحمدى الوزير)
الجيل ده نشأ على نصيحة (ممثله بمشاهدة افلام الأباحيه وممثل بيطالب باتساع المشاهد الإباحية على التليفزيون المصرى)
الجيل ده نشأ على (فصل افضل دكاترة الجامعات ومنح الدكتوراه الفخريه لشعبان عبرحيم) …
منتظر ايه من جيل بالشكل ده والبيئه دى ؟؟!!!
هل ده جيل يقدر يشتغل وينتج ويفيد بلده في اى مجال ؟؟!!
الجيل اللى بالمنظر ده لما يتجوز ويخلف هتبقى المحصله ايه؟؟!
لو من كام سنه ورا كان مستحيل اتجرأ واكتب كلام بالقذاره دى لكن الواقع اقذر واوسخ والاسفاف والتفاهه والمستنقعات دى بيتصرف عليها ملايين فى الافلام بحجة انها واقع ولازم يتغير للأسف احنا وصلنا لمرحلة ماتحت القاع ولازلنا مستمرين في الحفر !!
الكلام ده معناه ازمه وطن
لان الجيل الحالى بالوضع ده لن يبنى وطن
#خلصانه وانا اسف لو ف حد زعلان من الكلام
